網紅的藏寶箱晚飯時，我著誦仔不要進入廚房，因為他剛才不聽我指示，擅自把熱水壺從流理台的一邊搬到另一邊，但他竟然還帶弦仔入廚房，我叫道：「停止呀，我叫你唔好再搞呀，倒瀉熱水會嚴重燙傷皮膚，你入醫院㗎喇。」他說：「我畀佢睇下啫。」「唔單只掂下唔得，睇下都唔得！！！」
這時候，正仔說：「你好似世界上一啲好 mean 好變態好嚴厲的家長，小朋友睇下已經好嬲，呀 ⋯ 等我搵返本 The World’s Worst Parents 先（David Walliams 的作品），本書啲 parents 就係咁 ⋯」「唔好搵喇，食完飯先。而且我一定唔係嗰種最嚴厲的 parent 喇，因為你哋成日都唔聽我講嘅。如果我係咁惡咁厲害就好喇，你哋一定跟足我指示做事，我少好多煩惱。」
「呢啲 parents 先唔好呀，會搞到小朋友仲曳仲壞，因為太嚴厲係會傷害咗小朋友嘅心理同埋影響佢哋個腦㗎！」正仔猶如一個育兒專家般。
輪到誦仔發表意見：「係呀，呢啲小朋友會變成超級頑皮㗎，佢哋只會係媽咪面前扮乖，然後當媽咪拎轉背，就會比其他小朋友更曳！」他們彷彿很瞭解這類孩子的情緒行為呢。
晚飯桌上，你一言我一語的就著嚴厲父母的話題討論著，向我提供了不少關於嚴苛對待孩子的負面資訊。
Search